सोमपूर बद्दल

नाशिक हा पर्यटन जिल्हा म्हणुन नावारुपाला आलेला आहे.लहान- मोठ्या पंधरा तालुक्यांनी मिळून आपला नाशिक जिल्हा बनलेला आहे.या १५ तालुक्यातील
आपला बागलाण ऐतिहासिक वारसा लाभलेला ,निसर्ग सौंदर्याने नटलेला, लहान-लहानगाव मिळून बनलेला असा तालुका म्हणजे बागलाण. या तालुक्यामध्ये ताहाराबाद ते
जायखेडा या मुख्य रस्त्याला लागून असणारा,मोसम नदीच्या तीरावर वसलेले , चहुबाजूनीसुंदर निसर्गाच्या कुशीत लपलेला आपला छोटासा निसर्गरम्य गाव म्हणजे सोमपूर गाव
शेती साठी प्रगतशील असलेले लोकांचे गाव म्हणून संपूर्ण जिल्ह्यात गावची ओळख.

       बागलाण तालुक्यापासून अगदी 30 किलोमीटर अंतरावर असलेला आपला छोटासागाव. गावाची लोकसंख्या सुमार ३१९२ एवढी आहे. या गावात विविध जाती धर्माचेलोक राहतात.
“पाणी म्हणजे जीवन” याप्रमाणे लोकांचे जीवन अवलंबून असलेल्या पाण्याची उपलब्धता मोठ्या प्रमाणात असल्याने गाव सुजलाम सुफलाम आहे.
त्याचप्रमाणे या गावात विविध निसर्गरम्य परिसर, आकर्षक मंदिरे प्रेक्षणीय स्थळे म्हणून ओळखली जातात.
अशा या छोट्याश्या गावाचा कारभार चालविण्यासाठी १ जानेवारी १९५७ साली सोमपूर ग्रामपंचायतीची स्थापना झाली. यापूर्वी सोमपूर गावचा कारभार
गावचे पंच चालवीत. यात गावच्या मुख्य चावडीवर किंवा मुख्य चौकाच्या ठिकाणी गावची सभा भरवली जाई.

ग्रामस्थांच्या उपस्थितीत गावचे मुख्य गावकरी व पंचांनी 
घेतलेला निर्णय हा अंतिम मानला जाई त्यानंतर सर्वानुमते निर्णय घेऊन व शासनाच्या तरतुदीनुसार ग्रामपंचायतीच्या स्थापनेचा निर्णय घेण्यात आला.
या गावात स्वतंत्र ग्रामपंचायत ऑफिस,रास्त दराचे धान्य दुकान, पुर्ण प्राथमिक शाळा, अंगणवाडी केंद्र,आरोग्य उपकेंद्र,
स्वतंत्र स्मशानभुमी, स्वतंत्र दफनभूमी तसेच गावात डांबरी रस्ते, गावांतर्गत कोन्क्रीट रस्ते, माध्यमिक शाळा आहे.